لە دەق بەیاننامەگە کە ئاژانس شەفەق نیوز ئسفایکردیە هاتییە، "لە یاد هەفتا و یەک ساڵەی دامەزرانن یەکێتی ژنەیل کوردستان پیرۆزبایی لە گشت ژنەیل کوردستان کەم، خەبات و قوربانیدانیان و  کوشانیانیان لە پێناو پاراستن ماف ژنەیل و ئازادی و یەکسانی وە رێز و وەپیزانین هەسەنگێنم،  هیوای سەرکەفتن وەردەوام ئەرایان خوازم".

وتیش "یەکێتی ژنەیل کوردستان، جویر رێکخریاگیک پێشەنگ بویە لە مژار پاراستن ماف ژن و وەرگیری کردن لەلی، رۆل گرنگیگ داشتیە لە  خەبات مەدەنی لە کۆمەڵگای کوردستانی لە سەردەمەیل شۆرش و ئازادی".

وتیش "بیجگە لە پارێزگاریکردن لە ماف ژنەیل، سەدان ئافرەت وە توانا لە گشت مژارەیل و چەندین کادر و سەرکردە رەسانییە کە خزمەت وڵات کەن لە مژارە جیاوازەیل ژیان".

سەرۆک هەرێم وتیش، " کۆمەڵگایەیک واز و ئازاد و پیشکەفتی مەدەنی وە دەس نایەێد وەبی ئازادی ژنەیل و مسۆگەرنەکردن گشت مافەیلیان، وەی بوونەو و لەی یادە پاڵپشتی خوەم وە تەواوی دووپات کەم ئەرا خەبات ژنەیل".

سەرۆک هەرێم کوردستان کۆتایی وە قسەی هاورد وە " دڵنیای یەکێتی ژنەیل کوردستان کەم گشت ريخریاگ و بزوتنەوەیل ژنەیل لە کوردستان، کە هەمیشە پاڵپشتیان و هاوکاریانم ئەرا مسۆگەرکردن ماف ژنەیل".