شەفەق نيوز/ نێچیروان بارزانی سەرۆک هەرێم کوردستان، نیمەڕو ئمڕوو یەکشەممە، چەوی کەفتە هيتوشي ئيشيزوكا، وەرپرس نوو نویسنگەی قونسوڵخانەی ژاپۆن لە هەولێر.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە سەرۆک نێچیروان بارزانی پیشوازی لە وەرپرس نوو نویسنگەی قونسوڵخانەی ژاپۆن کرد، و پیرۆز وە دەسکردنی وە ئەرکەیل کاری کرد، و ئومید سەرکەفتنی خوازێد، و دووپات لە پاڵپشتیکردن تەواو لایەنەیل پەیوەندیدار لە هەرێم کوردستان کرد ئەرا سەرکەفتن ئەرکی.

  سەرۆک نێچیروان بارزانی باس ئارەزوو هەرێم کوردستان کرد لە فراوانکردن پەیوەندییەیلی وەرد ژاپۆن، و باس دەرفەتەیل کار و بەرهەمهاوردن ژاپۆن لە عراق و هەرێم کوردستان کرد، و سوپاس لە ژاپۆن کرد ئەرا دەسمیەتیەیلی و پشتگیریکردن عراق و هەرێم کوردستان.

 لەلای خوەییش، ئیشيزوكا دووپات کرد کە وڵاتەگەی گرنگی کەورەیگ وە پەیوەندییەیلی وەرد عراق و هەرێم کوردستان دەێد، و ئارەزوو دیرێد وەرەو نوا بچوود لە هاوکاری هاوبەش لە جویراجویر چینەیل، و پارچەیگ لە چالاکیەیل کۆمپانیایل ژاپۆنی لە هەرێم کوردستان و بەرنامەیل کارەیلی پیشکەش کرد.