شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، ئاشکرای هویدرەکاریەیل دیدارەیلی وەرد سەرکردەیل دەوڵەتەیل کرد، مەوقەی بەشداریکردنی لە کۆنفرانس ئاسایش میونشن، و پەیامیگ عراقی- سوری- ئەمریکی کلکرد.
بارزانی لە کۆنگرەیگ رووژنامەوانی لە شار میونشن ئەڵمانیا کە ئاژانس شەفەق نیوز چەودیاریی کرد، وت: لە دیدارەیل وەرد ریبەر و سەرکردەیل باس نووڕین هەرێم کوردستان لە باوەتەیل ئەمنی کردیمن.
وتیش: گووش لە نووڕین ئەو لایەنەیل گردیمن، هەمیش باس رویداوەیل ناوچەگە کردیمن.
بارزانی وتیش: ئی کۆنفرانسە دەرفەتیگە ئەرا باسکردن گەشەیل جەهانی، و ئەوەگ پەیوەندی وە ناوچەمان دیرێد، گردەوبوین خاسیگ وەرد وەزیر دەیشت ئەمریکا ئەنجام دایمن، باس باوەتەیل هاوبەش ناوەین ئەمریکا و عراق کردیمن.
نێچیروان بارزانی مکیسیگ ئەرا وەزیر دەیشت ئەمریکا راگەیان ئەرا سەردانکردن عراق، و ئامادەبوین لە ئاهەنگ وازکردن قونسوڵخانەی نوو ئەمریکا لە هەولێر.