سەرۆک نێچیروان بارزانی لە بەیاننامەیگ وت: ئمڕوو ١٦ی نیسان، ٣٦مین ساڵیادە ئەرا تاوانیکتر ک رژیم وەرین عراق جیوەجیی کرد، ک کردەوەی بەدیگە لە ئەنجام کیمیاوارانکردن گەل کوردستان، ک تاوان کیمیاوارانکردن لەبانەخەڵک و زەوی و سرووشت رەنگین بالیسان و شێخ سنان و دووڵ خۆشناوتیە.

وتیش: وە سەربەزی یاد شەهیدە نەمرەیل ئەو تاوانە کەیمن، و وەڕێز و نەوازش ئەرا ئەو گیانەیل پاکە وسیەیمن، و سڵاو ئەرا زەخمدارەیل و قوربانیەیل ئی کارەساتە کل کەیمن، ک رژیم وەرین ری وە چارەسەکردنیان نەیا، ک ناچار بوین خوەیان و خانەوادەیان ژان و زیان گەورەیگ هەڵگرن.

سەرۆک هەرێم کوردستان وتیش: بالیسان و شێخ سنان و دووڵ خۆشناوتی وەگشتی هەمیشە ناوەند خەبات و خەباتکارەیل و وەرخودان ستەم و کوشتن و بڕین رژیمەگە بویە، و پەنایگ ئەرا وەخوەیگردن و پشتگیریکردن پیشمەرگە و شوڕشەیل کوردستان بوینە، ئەراوە، و ئەرا چەن جاریگ، و لە ساڵ ١٩٧٨، جاریگتر کەفتنە وەر داگیرکردنیگ سیا وەلایەن رژیم وەرین وە کیمیاواران.

رژیم بەعس، وەرجە ٣٦ ساڵ، وە چەک کیمیایی پەلامار دووڵ بالیسان و ئاوایەیل شێخ سنان و دووڵ خۆشناوتی دا، ک بویە هوکار کوشیان ٢٦٣ کەس، و زەخمداری زیاتر لە ٦٢٠ کەس.

دویای گورز فڕۆکەیل رژیم وەرین وەبان ناوچەیل بالیسان و شێخ سنان وە گاز خردەل و گاز سیانید، ک یەکەمە لەی جویرە، گوزەیل گاز دویای ئەوە لە شار هەڵەبجە و چەن شار و ناوچەیگ لە هەرێم کوردستان وەردەوام بوی.