سەرۆکایەیەتی هەرێم لە بەیاننامەیگ ئمڕوو راگەیان، سەرۆک نێچیروان بارزانی لە رووژ سێیەم کۆنفرانس میونشن ئەمنی گردەوبوین وەگەرد شاندیگ لە ئەندامەیل گۆنگرێس وە سەرۆکایەتی ئەندام کۆنگرێس مایکڵ تورنەر.
لە بەیاننامەگە وتیش، لە دیدارەگە گفتوگوکردنە لە پەیوەنیەیل وڵاتە یەکگرتگەیل وەگەرد عراق و هەرێم کوردستان، و بارودۆخ عراق و ناوخوەی هەرێم کوردستان، پەیوەنیەیل ناوەین هەولێر و بەغدا و دویا پیشهاتەیل گفتوگوی ناوەینیان بوی ئەرا چارەسەرکردن ناکۆکیەگان.
وەپای بەیاننامەگە، شاندەگە وەردەوامی پاڵپشتی کۆنگرێس ئەمریکی ئەرا عراق و هەرێم کوردستان راگەیان، دووپاتکرد وڵاتە یەکگرتگەیل وە چەویگ هاوپەیمان و هاوبەش گرنگیگ لە ناوچەگە نووڕێدە عراق و هەرێم کوردستان.
هەمیش، سەرۆک نێچیروان بارزانی دەسخوەشی لە کۆنگرێس ئەمریکی کرد ئەرا پاڵپشتی وەردەوامەیلی ئەرا عراق و هەرێم کوردستان، لە دیدارەگە گفتوگو کریا لە هەڕەشەیل تیرۆرستی لەبان ناوچەگە و باوەتەیل ترەک کە جی گرنگیدان هەردووگ لایە.