شەفەق نیوز/ ئمڕوو جمعە، نێچیرڤان بارزانی، سەرۆک هەرێم کوردستان، وەرد بۆریس پیستۆریۆس، وەزیر وەرگری ئەڵمانیا، لە پەراوێز بەشداریکردنی لە کۆنفرانس ئاسایش میونشن، باس پاڵپشتیکردن لە کوردستان و نواگیریکردن تیرۆر کرد.
سەرۆکایەتی هەرێم لە بەیاننامەیگ رەسیە ئاژانس شەفەق نیوز وت: “لە ناو گردەوبوین هەردوگلا باس پەیوەندییەیل ناوەین ئەڵمانیا و عراق و هەرێم کوردستان کردن، بیجگە لە پیشهاتەیل رەوش ناوچەگە وەتایبەتی لە سریا و هەڕەشەیل داعش”.
وەگورەی بەیاننامەگە، بارزانی باس سوپاس هەرێم کوردستان کرد ئەرا "وەردەوامی پاڵپشتی و هاوکارییەیل ئەڵمانیا"، دووپات لەبان “گرنگی وەردەوامییەگەی ئەرا بەرزکردن سەقامگیری لە هەرێم و عراق” کرد.
لەلای خوەییش، پیستۆریۆس "پابەندبوین وڵاتەگەی ئەرا پاڵپشتیکردن هەرێم کوردستان" نووەو کرد وە لەوەرچەوگردن "بەرزکردن هاوکاری هاوبەش ناوەین ئەڵمانیا و عراق و هەرێم کوردستان لە چوارچێوەی تەقەلایل ناودەوڵەتی ئەرا نواگیریکردن تیرۆر".