شەفەق نيوز- ميونشن

نێچیرڤان بارزانی سەرۆک هەرێم کوردستان، و ئیمانۆئێل ماکرۆن سەرۆک فەرەنسا، شەو جمعە، رێککەفتن لەبان هەماهەنگی ناودەوڵەتی ئەرا مقیەتیکردن ئارامی لە ناوچەگە، و مقیەتیکردن مافەیل کورد لەناو دەستوور هاتگ سوریا.

    نویسنگەی راگەیانن سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیرڤان بارزانی چەوی کەفتە ئیمانۆئێل ماکرۆن سەرۆک فەرەنسا، ئەوەیش لە وەردەوامی دیدار و گردەوبوینەیلی لە پەراویز کۆنفرانس ئاسایش میونشن. 

بەیاننامەگە وتیش: هەردوگ لایەن باس دویاترین گەشەیل سیاسی و ئەمنی لە ناوچەگە و رەوشەیل لە سوریا کردن، و دووپات کردن لە مقیەتیکردن مافەیل کورد لە دەستوور هاتگ سوریا.

 وەگورەی بەیاننامەگە، نێچیروان بارزانی باس رێز هەرێم کوردستان ئەرا برادەری فەرەنسا و پشتگیریی وەردەوامی و وەرگریکردن لە مافەیل دەستووری گەل کوردستان، و هەردوگ لایەن دووپات کردن لە گرنگی هەماهەنگی ناودەوڵەتی ئەرا مقیەتیکردن ئارامی لە ناوچەگە.