شەفەق نیوز - هەولێر

نێچیرڤان بارزانی سەرۆک هەرێم کوردستان، رووژ دوشەممە، وەرد جۆناسان پاوڵ راوێژکار ئاسایش نەتەوەیی بەریتانی، باس لە هاوکاری ئەمنی و سەربازی و پەیوەندییە هاوبەشەیل کرد.

 سەرۆکایەتی هەرێم لە بەیاننامەیگ کە رەسیە ئاژانس شەفەق نیوز وت، کە "لە ناو دیدارەگە - کە ئیرڤان سدیق باڵوێز بەریتانی لە عراق ئامادەی بۊ - باس لە پەیوەندییەیل شانشین یەکگرتگ وەرد هەردوگ عراق و هەرێم کوردستان کریا، وەتایبەت لە هەردوگ بوار ئەمنی و سەربازی، بیجگە لە هاوکاری هاوبەش لە ناوەین هەردوگ لا ئەرا رویوەڕویبۊن تیرۆر و پاراستن ئاسایش و جێگیربۊن لە عراق و ناوچەگە".

وتیش "هەرلیوا گردەوبوینەگە- وە ئامادەبۊن کونسوڵ گشتی بەریتانی لە هەرێم کوردستان - باس لە رەوشەیل ناوخۆیی لە هەرێم کوردستان، و ئەو تەقەلایەلە کە دريەن ئەرا دروسکردن کابینەی وەزاری نوو ئەرا حکومەت هەرێمەگە، و پەیوەندییەیل ناوەین هەولێر و بەغداد کرد، لە پاڵ دۊایین پێشهاتەیل سیاسی و ئەمنی لە ناوچەگە وە شیوەیگ گشتی، و تەقەلا دیپلۆماسییەیل کە خوازیارن ئەرا ئارامکردن ئاڵووزییەیل".