شەفەق نیوز - هەولێر
نێچیرڤان بارزانی، سەرۆک هەرێم کوردستان، ئمڕوو دوشەممە، وەگەرد سەرۆک رەوت حیکمەی نیشتمانی عەمار حەکیم، باس لە پیشهاتەیل رەوش عراق و هەرێم کوردستان کرد، وەگەرد پەیوەندییەیل لەناوەین هەولێر و بەغداد ئەرا پاڵپشتیکردن دووسایەتی و وەیەکەوژیان لەناوەین هەردوگ لایەنەگە.
بەیاننامەیگ ئەرا سەرۆکایەتی هەرێم کوردستان، کە ئاژانس شەفەق نیوز چەوی وەپی کەفت، خەوەردا کە بارزانی پیشوازی لە حەکیم و ئەو شاندە کرد کە وەگەردی بۊن، ئمڕوو شەوەکی، باس لە "تەواوی رەوش گشتی لە عراق و هەرێم کوردستان" کردن.
بەیاننامەگە وتیش کە هەردوگ لایەنەگە دووپات لەبان گرنگی وەردەوامبۊن تەقەلا هاوبەشەیل ئەرا قایمکردن پەیوەندییەیل ناوەین هەولێر و بەغداد کردن تا بوودە پیەڵیگ قایم لەناوەینیان، یەکلاییکردن دۆسیە هەڵوەسیاگەیل لەڕی گفتوگۆ و لەیەکفاماکردن، و پشتگیری خوەیان ئەرا حکومەت فیدراڵی لە جیوەجیکردن بەرنامە وەزارییەگەی و سەرخستن ئەرکەیلی.
دیدارەگە هەمیش رەسیە پیشهاتەیل رەوش هەرێمی و دۊاترین پیشهاتەیل و لیکەفتەیلیان لە ووی سیاسی و روشنهویرییەو، وەگەرد ئاڵشتکردن نووڕینەیل لەباوەتیان.
حەکیم ئمڕوو شەوەکی رەسیە هەولێر ئەرا بەشداریکردن لە پرسەی عەبدولواحید ئیبراهیم شێخ عەبدولسەلام بارزانی.