شەفەق نیوز/ سەرۆک هەرێم کوردستان، نێچیرڤان بارزانی وەگەرد جیوەجیکەر کارەیل باڵیۆزخانەی ئەمەریکا لە عراق، دەێڤید بێرگەر، ئمڕوو چوارشەممە، گردەو بوی و گفتوگوکردن لەبان شمارەیگ باوەت لەناویانیش ئەو ئامانجگردنە کە هێزەیل هاوپەیمانی ناودەوڵەتی لە عراق و هەرێم رویوەڕویی بوون.
لە بەیاننامەیگ سەرۆکایەتی هەرێم کە رەسیەس وە ئاژانس شەفەق نیوز هاتیە، بارزانی پیشوازی لە بێرگەر کرد و لە دیدارەگە گفتوگو کریا لەبان پەیوەنیەیل ئەمریکا وەگەرد عراق و هەرێم کوردستان، و گیچەڵەیل ناوەین هەولێر و بەغدا و گفتوگوکردن ئەرا چارەسەرکردنیان، و رۆڵ و پێگەی عراق لە ناوچەگە و لەبان ئاست ناودەوڵەتی، و وە ئامانجگردن هێزەیل هاوپەیمانی لە عراق و هەرێم کوردستان.
وەپای بەیاننامەگە هەردوگلا بیروڕایان وتن لەباوەت بارودۆخ ئەمنی عراق و ناوچەگە و رۆل هێزەیل هاوپەیمانی ناودەوڵەتی، دووپاتکرد لەبان گرنگی پاراستن ئەمن و ئارامی لە عراق و ناوچەگە، هەمیش گفتووگوو کردن لە بان کۆمەڵیگ باوەت کە جی گرنگیداین هاوبەشە.