شەفەق نیوز- هەولێر

نێچیرڤان بارزانی،  سەرۆک هەرێم کوردستان، رووژ دووشەممە، دووپات کرد کە هەرێم هیزەیل ئەمریکی "دەرنەکردگە"، لە وەختیگ دووپات کرد لەبان هەوەجەی بەغداد و هەولێر وە پووشین ئاسمانی.

یەیش لە بەشداریکردنی هات لە دانیشتنیگ گفتوگۆیی تایبەت لەناو کارەیل دیداری "مێری" کە لە هەولێر بەسیاس.

بارزانی لە وتارەگەی وت: هیزەیل ئەمریکی و هیزەیل ترەک کە لە وەخت دەرکەفتن ریکخستن داعش ساڵ 2014 هاتنە عراق، وە بانگەواز حکومەت عراقی و وەپەی نامەیگ فەرمی هاتن. و دەوڵەت عراقی مەرج دانا کە وڵاتە یەکگرتگەیل فەرماندەیی ئی هاوپەیمانییە بگرێدە دەس.

وتیش "لە ساڵ 2014ەو تا ئیسە، ئاڵشتکارییەیل فرەیگ روی دانە، و فرە سروشتییە کە عراق، دۊای دە ساڵ یا دوانزە ساڵ، دی هەوەجە وە بۊین ئی هاوپەیمانییە نەیاشتوود، و لە کارە لەپێشینەیل سەروەری ئەرا عراق، لە سەرەتاوە، ئەوەسە کە پەیوەندییەیل خاسیگ وەرد ئی دەوڵەتەیلە بیاشتوود، و توام بۊشم کە من سوپاس ئی هیزەیلە کەم، چۊنکە ئیمە دەریان نەکردیمنە، بەڵکم هاتن و دەسمیەتی پیشکەشمان کردن. وەلی ئیمە ئمڕوو دڵخوەشیمن وە ئەوەگ عراق تۊنستگە لەبان پای خوەی بووسێد، و ئیمەی عراقییەیل رەسیمنەسە ئەوەگ باوەڕ دیریمن توانای رویوەڕویبۊن گرفتەیل دیریمن".

وەردەوام بۊ "با واقعی بویمن: کی مقیەتی لە هەرێم کوردستان کرد؟ و لەباوەت مقیەتیکردن هەرێم، هەرێم کوردستان و عراق وە گشتی هەوەجە وە سیستەم وەرگری ئاسمانی دیرن".

 دیاری کرد کە "زانم کە سودانی، وەختیگ سەرۆک وەزیرەیل بۊ، رێککەفتنیگ وەرد وڵاتە یەکگرتگەیل داشت کە 52 خاڵ لەخوەی گردیاد ئەرا دابینکردن سیستەم وەرگری ئاسمانی، و هەرێم کوردستانیش گردیادەو  وەرگری ئاسمانی تەنیا هەوەجەی دەوڵەت عراقی وە تەنیا نییە، بەڵکم هەرێم کوردستانیش هەوەجە وەپی دیرێد، و عراق وە گشتی هەوەجە وەپی دیرێد، نەک هەرێم وە تەنیا".

 رووشنەو کرد "ئەما باوەت دویەم، خوازیایی بۊین چەکە وە دەس دەوڵەتەو. نیەود عراق ئاڵشت بوود ئەرا گوڕەپانیگ کە لەلییەو هەڕەشەیل وەبان کوەیت و ئوردن و ئیمارات و سعودیە بکریەێدر یە سەروەری نییە، چۊنکە سەروەری وە هیشتن چەک تەنیا وە دەس دەوڵەتەو دەس وەپی کەێد".