شەفەق نیوز - هەولێر

چەوەڕی کریەێد کە نێچیرڤان بارزانی، سەرۆک هەرێم کوردستان، سوو پەنجشەممە، سەردانیگ فەرمی ئەرا پایتەخت بەغداد ئەنجام بەێد ئەرا بەشداریکردن لە رسوومەیل کووتاییهاتن ئەرک سەربازی هێزەیل هاوپەیمان ناودەوڵەتی دژ وە  ریخریاگ داعش وە سەرکردایەتی وڵاتە یەکگرتگەیل ئەمریکی لە عراق.

 بڕیارە حکومەت عراقی ئاهەنگیگ ناوەندی فەرمی وە ئی بوونە ئەنجام بەێد وە ئامادەبۊن وەرپرسەیل گەورا لە دەوڵەتەگە، و فەرماندە سەربازی و ئەمنییەیل، و کەسایەتییەیل سیاسی و کۆمەڵایەتی، و نۊنەرەیل لە هاوپەیمان ناودەوڵەتی.

 ئی سەردانە هاودەمە وەرد راگەیانن فەرماندەی گشتی هێزە چەکدارەیل سەرۆک ئەنجومەن وەزیران عەلی فالح زەیدی وە کووتاییهاتن فەرمی وە ئەرک هاوپەیمان ناودەوڵەتی لە عراق، وە دەرخستن سوپاسگوزاریی ئەرا دەوڵەتەیل هاوپەیمانی لەبان پاڵپشتییان ئەرا هێزە ئەمنییەیل ماوەی نواگیریکردن تیرۆر.

لەلای خوەیەو وەزارەت وەرگری ئەمریکی "پێنتاگۆن" راگەیان، کە وڵاتە یەکگرتگەیل و هاوبەشەیلی لە هاوپەیمان ناودەوڵەتی وە شیوەیگ فەرمی کووتایی وە پرۆسەی "ئیرادەی رپ" لە عراق هاوردن.

هەرلیوا،  هاوپەیمان ناودەوڵەتی دژ وە داعش لە عراق، دووپات کرد کە هیچ دەسپیچگیگ ئەرا مەنن گرووپە چەکدارەیل نەمنی لەژیر سای کیشانەوەی لە وڵاتەگە نییە.