شەفەق نیوز - هەولێر
نێچیرڤان بارزانی، سەرۆک هەرێم کوردستان، ئمڕوو سێشەممە، چەوی کەفت وە کریستیان ئۆلفکە، کونسوڵ گشتی نوو ئەرا کۆماری ئەڵمانیای فیدراڵی لە هەرێم کوردستان و شاند یاوەری.
لە بەیاننامەیگ کە لە سەرۆکایەتی هەرێم کوردستان دەرچگە و رەسیە ئاژانس شەفەق نیوز کە لەناو دیدارەگە سەرۆک نێچیرڤان بارزانی ئامادەیی خوەی و لایەنە پەیوەندیدارەیل لە هەرێم کوردستان نیشان دا ئەرا پیشکەشکردن گشت هاوکاری و ئاسانکارییەیل ئەرا سەرکەفتن ئەرکەگەی.
هەمیش سوپاس و پیزانین هەرێم کوردستان پیشکەش کرد ئەرا ئەو پاڵپشتی و دەسمیەتییە وەردەوامە کە ئەڵمانیا پیشکەشی کەێد، وە تایبەت لە جەنگ دژ وە ریخریاگ داعش و نواگیریکردن تیرۆر، لەشان دەسمیەتییە سیاسی و مرۆییەیلی ئەرا هەرێم.
لەلای خوەیەو، کونسوڵ گشتی ئەڵمانی سوپاس خوەی ئەرا سەرۆک هەرێم کوردستان پیشکەش کرد، وە دووپاتکردن خواس وڵاتەگەی ئەرا قایمکردن پەیوەندییە دووانیەیل و وەرەونوابردن هاوکاری هاوبەش وەرد هەرێم کوردستان، هەمیش ئافەرین لە رۆڵ "دیار" نێچیرڤان بارزانی کرد لەبان ئاست کوردستان و عراق وە شیوەیگ گشتی.
دۊایین پیشهات و وەرەونواچگنەیل لەبان گۆڕەپان هەرێمایەتییەگە باوەتەیل ترەک بۊن لە باسەیل دیدارەگەر وەپەی بەیاننامەی سەرۆکایەتی هەرێم کوردستان.