شەفەق نیوز - هەولێر

نێچیرڤان بارزانی، سەرۆک هەرێم کوردستان، ئمڕوو شەممە، خەمباری خوەی نیشان دا لە کووچ دوایی نۊسەر و ئەڵگەردانکار و چیرووکنۊس دیار کورد، جەلیل کاکەوەیس.

بارزانی لە پرسەنامەگەی کە رەسیەسە ئاژانس شەفەق نیوز وت: لە دەروینیەو سەرەخوەشی و هاوخەمی قویل خوەم لە خیزان و کەسوکار بەڕێزی و گشت نۊسەرەیل و رووشنهویرەیل کوردستان کەم، و هاوبەشم لە خەم و پەژارەیلیان.

وتیش: رەحمەتی جەلیل کاکەوەیس خاوەن پێگەیگ دیار بۊ و خزمەتیگ گەورە پێشکەش وە چین ئەدەبی و فەرهەنگی لە کوردستان کرد، کە بەشداری فرەیگ داشت لە دەوڵەمەنکردن گۆڕەپان رووشنهویر وە هوکار بەرهەمەیل و ئەڵگەردانە وەنرخەیلی، وە تایبەت لە بوار چیرووک و ئەدەب هاوچەرخ.

هەرلیوا وتیش: لە پەروەردگار مەزن و دلۆڤان خوازم کووچکردیمان وە بەزەیی و وەخشین فراوان خوەی شاد بکەێد، و ئارامی و سەبووری بەێدە خیزان و کەسوکار و دووسەیلی.