شەفەق نیوز/ سەرۆک هەرێم کوردستان نێچیرڤان بارزانی، ئمڕوو جومعە، پیروزبایی کرد وە بوونەی ڕووژ ڕووژنامەگەری و یاد سەد و بیس و چوارمین ساڵەی دەرچگن ڕووژنامەی کوردستان وە لایەن میر موقداد مەدحەت بەدرخان و یاد بیس و چوارمین ساڵەی سەندیکای ڕووژنامەوانی کوردستان.
سەرۆک هەڕێم لە بەیاننامیگ وت، " لەی یادە، وە ڕێز و شکۆ یاد گشت ئەو ڕووژنامەنووسەیل کوردستان کەێمن ک خزمەت کردنە لە قۆناغەیل جیاواز و مژارەیل ڕووژنامەوانی کوردستان، لە سەردەم شۆرش و دویای ئازادی، وە كارامه‌يى و پيشه‌يى، ئه‌ركەیل خوەیان جیوەجی کردن و لەلیان لەخاتری گیانیان بەخشین.
لەی بوونە دووپات له هه‌ڵوێست پشتگيريمان له ديموكراسى، ئازادييه‌گان، ئازاديى ڕووژنامەگەری و رادەربڕین، مافه‌یل ئایەم و سه‌روه‌ريى ياسا کەێمن ک ستوین سه‌ره‌كيىن ئەرا هەر کۆمەڵگەیگ ئازاد و وەڕەونواچگ و میلەت كوردستان لەپای خه‌بات و کوشان كردنه و وە خوین و گیان خوەیان قوربانی ئەرای دانە ، ئەراوە هه‌رگيز ده‌سبه‌رداريان نیەوود، ئیمەیش جویر هه‌ميشه وە گشت توانايگ مقیەتیان کەیمن.
سەرۆک هەڕێم دووپاتکرد لەبان، " بايه‌خ و گرنگيى ڕووژنامەگەری و ئه‌رکار ڕوژنامه‌نووسەیل ک هه‌ميشه ڕه‌چاوى كارامه‌يى و پيشه‌يي بوینە، ئه‌ركه‌یلیان وه‌رپرسانه و وه شیوەی دروسىگ جیوەجی کردنە، وه ويژدانه‌و راسیەیلە جویر خوەی ڕەساننە، به‌رژه‌وه‌نى باڵاى وڵات بخه‌نه بان گشت چشتیگ، وه ڕه‌خنه بنياتنه‌ر و تێبينى و سه‌رنجەیلدان، دەسمیەتیدەر داموده‌زگا و دامه‌زریاگەیل نيشتمانييه‌یل بوون، ئەرا ڕاسکردن هه‌ڵه‌یل و خاسرکردن ئه‌زموون هه‌رێم كوردستان.