شەفەق نیوز/ ئمڕوز چوارشەممە، نێچیرڤان بارزانی، سەرۆک هەرێم کوردستان، دووپات لە گرنگی بڵاوکردن کولتور میانڕەوی و نفرەتکردن لە تونەڕەوی کرد، ئەوەیش لە دەسنیشان پشتگیریکردن تەواو خوەی ئەرا بڵاوکردن گوتار میانڕەوی.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: ئمڕوو چوارشەممە، سەرۆک هەرێم کوردستان، نێچیرڤان بارزانی، پیشوازی لە شێخ مادح شێخ عوسمان نەقشبەندی، سەرپەرشتیار مەکتەو و خانقایەیل سەر وە شێخ عوسمان سیراجەدین بەیارە لە کوردستان و جیهان کرد، وە یاوەری شاندیگ زانایەیل ئایینی و ئەکادیمیایی.
لە دیدارەگە سەرۆک نێچیرڤان بارزانی، دڵخوەشی خوەی وە بڕیار گلەوخواردن شێخ مادح و شاند یاوەری ئەرا کوردستان نشان دا، و ئومید سەرکەفتنی لە ئەرکەیلی داشت.
هەرلیوا، دووپات لە رۆڵ گرنگ زانایەیل ئایینی کرد لە بڵاوکردن و بەرزکردن کولتور میانڕەوی و نفرەتکردن لە تونەڕەوی کرد، و دیاری کرد کە ئی ڕێبازە نوێنەرایەتی پەیامێکی گرنگی فرە و خزمەتیگ گەورە وە کۆمەڵگا کەێد.
سەرۆک هەرێم پاڵپشتی تەواو هەرێم کوردستان و دامودەزگا فەرمییەیلی ئەرا بڵاوکردن گوتار ناوەندگەرایی نوو کرد.
لە دیدارەگە پشتیوان سادق وەزیر ئەوقاف و کاروبار ئایینی و پارێزگار هەولێر ئامادە بوین.
لە ناو ئەو دیدارە دووپات لەبان گرنگی وەیەکەوژیان و وەخشین ناوەین پێکهاتە جیاوازەیل هەرێم کوردستان کریا، و هەمیش بەلام گرنگی رۆڵ زانایەیل ئایینی لە وەنوابردن گوتار میانڕەو و نواگیریکردن هویر تونەڕەوانە وەشیوەیگ هوشیارانە و وەرپرسیارانە.