شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، داوای گرنگی مقیەتیکردن ئەو دەسکەفتەیلە کرد کە دویای راپەڕین گەل لە سەرەتای نەوەتەیل سەدەی گوزەشتە دژوە رژیم بەعس ئەرا هەرێم کوردستان وەجیهاتن، و لە خود وەختەگە هان ئەرا پابەندبوین وە وەیەکەوژیان و ئەوەکە قبووڵکردن و چەسپانن دیموکراتی کرد.
ئەوەیش لە بەیاننامەیگ وەبوونەی سی و چوارەم ساڵیاد راپەڕین ئادار 1991 هات.
سەرۆک نێچیروان بارزانی لە بەیاننامەگە وت: "ڕاپەڕین بڕگەیگ مێژوویی و چارەنویسساز بوی، و گوزارشت لە ئیرادەی پۆڵایینی کوردستان کرد وەرانەور دیکتاتۆرییەت و ستەمکاری، گەل کوردستان وە باوەڕیگ پتەو وە دادپەروەری پرس خوەیان، و لە بنەڕەت ئازادی و کەرامەت و دادپەروەری ڕاپەڕین و دەر بانانیگ نوو واز کردن"، دووپاتیش کرد کە "یە دەرئەنجام خەبات دویرودرویژیگ و قوربانیدان گەورە بوی". کە لەلایەن پیشمەرگە و خەڵک کوردستان دروسکریاگە ئەرا چەسپانن مافە ڕەوایلیان لە عراقیگ نوو”.
وتیش: "فیدرالیزم، دەستکەفتە دەستوریەیل، و بویین و کاریگەریی ئیسەی کوردستان بەرهەم ئی ڕاپەڕین شکۆمەندەسە، ئەراوە مقیەتیکردن دەستکەفتەیل و گەرنتیکردن ماف نەوەیل هاتگمان وە یەکڕزی، یەکێتی، و لەیەکفامسنن لە ناوەین گشت هیز و پێکهاتەیل تیەێدە دەس"، وتیش : "مەرجەیل ناوخۆ و دەرەکی داوا لە گشتمان کەن وە رووح وەرپرسیارێتی هاوبەش کاربکەیمن وتیش، یای لە وانەیل گوزەشتە بگریمن و مقیەتیکردن بەرژەوەنییە گشتییەیل گەلەگەمان”.
سەرۆک هەرێم کوردستان هەمیش وت: "وەی بوونەی پڕ خێر و بەختەوەرەوە دووپات کەیمن کە وەردەوام بویمن لە کارکردن ئەرا رەسین وە بەرەیل ڕاپەڕین، و خەبات ئاشتیانە و دیپلۆماسی ئەرا مقیەتیکردن مافەیل خەڵک کوردستان، وەخاتر وەدەسهاوردن هیوا و خواستەیل کوردستانیەیل ئەرا پیشکەفتن و باناتیگ خاستر".
سەرۆک نێچیرڤان بارزانی لە کۆتایی دووپات لەوە کرد کە “بایەسە پابەند بویمن وە یەکەوژیان ئاشتیانە، وەرەونوابردن کولتور قبووڵکردن ئەوەکان، و چەسپانن دیموکراسی و کردەوەی هاوبەش وە گیان وەرپرسیارێتی نەتەوەیی”، وتیش: “بایەسە گشتی، نەوەگ دویای ڕاپەڕین، ئیرنگە و دویاتر، وە پیزانین و سوودوەرگردن لە گوزەشتە، وە دڵنیایی و ئومیدە وەرەو بانان گام بنەیمن .”
جی باسە کە هەرێم کوردستان لە ساڵ ١٩٩١ سەرکردایەتی ڕاپەڕینیگ کرد دژوە رژیم سەدام حسێن، کە فرە لە خەڵکەگە ناچار کرد هەڵبیەن و لەو وڵاتە ئاوارە بوون تا بوونە پەنابەر لە ناوچە سنوورییەیل وەرد ئیران و تورکیا.
لە ساڵ 1991 لە دویای جەنگ دووەمی کەنداو ناوچەیگ دژە فڕین لە هەرێم دامەزریا، کە پەناگەیگ ئارامی دروس کرد تا ئاوارەیل گلەو بخوەن، و هیز پیشمەرگە وەردەوام بوی لە جەنگ هیزەیل حکومەتی، ولە کۆتایی لە تشرین یەکەم ساڵ 1991 کوردستان هیشتنەجی و ناوچەگەیش بویە سەروەخوەیی.