شەفەق نیوز/ نێچیرڤان بارزانی سەرۆک هەرێم کوردستان، ئمڕوو چوارشەممە وت: شیوەی سیاسی وڵاتەگە دۊیای خۆیشیاندان تەشرین  ئاڵشت بۊیە، لەی روژەیلە هۊیچ حزبیگ عراقی نێتۊنێد  لە بانگەشەێل هەلوەژاردن دژایەتی هەرێم کوردستان بکەێد. 

بارزانی ک خوەی جیگر سەرۆک پارت دیموکرات کوردستانە لە فیستیڤاڵیگ هەڵبژاردن لە پارێزگای سلێمانی وت: تا کۆتایی وە دژایەتیکردن کوردستان و وەدەسهاوردن دەسکەفتەیل زیاتر و مقیەتیکردن ئیسە و دۊیارووژ هەرێم و نەوەیل هاتگمان بایەتە بۊیمنە یەکیگ. 

وتیش: ئیسە وەختەگە گونجیاگە ئەرا داناین یەک بەرنامەی ستڕاتیژی وەپی هاوکارییگ راسی وەگەرد گشت عراقیەیلە لە چوارچێوەی دەستوور دامەزریمن، و کۆتایی وە باوەت بیبەشکردن کوردستان لە مافەیلی لە بوودجەی گشتی فیدراڵی باێد. 

وتیش: لایەنە عراقیەیلە هەکاتی جارانی وەخاتر وەرگرەن دەنگ هەڵبژاردن دژایەتی کوردستان نێکەن، چۊنکە دۊیای خۆپیشاندان تەشرین گەل عراق رەسیەو ک گرفت نەۊیین خزمەتگوزاری لە ناوڕاس و باشوور وڵاتەگە پەیوەندی وە پیشکەفتن هەرێم کوردستان نییە و ئی کارە پەیوەندی وە بەد وەکارهاوردن دەسەڵاتە لەلایەن حزبە زاڵەیلەی ئەو ناوچەیلە.