شەفەق نیوز/ شەوەکی ئمڕوو یەکشەممەر نێچیرڤان بارزانی، سەرۆک هەرێم کوردستان، بەشداری لە کۆڕبەند هزر ئیسلامی کرد، کە وە هاوکاری ریخریاگ رووشنهویری مستەفا زەلمی لە شار هەولێر وەڕیەو چگ.
کۆڕبەندەگە وە ئامادەبوین شاندیگ ئەزهەر و بڕ گەورەیگ لە کەسایەتییە سیاسی و ئایینی و کۆمەڵایەتی و ئەکادیمییەیل وەڕیەو چگ.
نێچیرڤان بارزانی سەرۆک هەرێم کوردستان وتاریگ پیشکەش کرد و لەناوی ئافەرین لە تەقەلایل زانای کورد و بیرمەند ئیسلامی و شارەزای یاسایی دکتۆر مستەفا ئەلزەلمی کرد لە پرسە جویراجویرەیل کۆمەڵگە، لەوانەیش پرس ژنان و نواگیریکردن تونوتیژی وەرانوەریان، و پویچەڵکردن ئەو دیاردە لە خەتەنەکردن ما، کە لە ناوچەیل هەرێم کوردستان بڵاو بوی، لە ری بەڵگەیل قورئان و سوننەت.
نێچیرڤان بارزانی لەکۆتایی قسەیلی باس ئەوە کرد کە رەحمەتی زەلمی تەنیا زانا و بیرمەند نەوی، بەڵکم هێمای چاکسازی و نووەوکردن بویە لە فیکر ئیسلامی، کە ئی پیاوە توانست بەها ئاینییەیل وەگەرد خوازینەیل سەردەم نوو وەیەکەو تێکەڵ بکەێد.
وتیش: "ئەلزەلمی هویریگ قویل داشت کە ئایین ئیسلامی تەیمانە نییە لەوەردەم گەشەکردن، بەڵکم هیزیگ بزوێنەرە ئەرا گەشەپیدان و نووەوبوین"، وتیش: "بڕوا داشت کە ئیسلام، چوینکە ئایینیگ وەخشین و دادپەروەرییە". ، هەرگیز نادادپەروەری و جیاکاری قبوڵ نیەکەێد."
نێچیرڤان بارزانی وتیش: " نویسینەیل دکتۆر ئەلزەلامی خوەنستمە و ئەرام دەرکەفت ئەوەگ خوازیمن وەدەس باریمن وەبی ئامادەبوین و هاوکاری ئەو ئاسان نیەوود".
وتیش: "چینەگەی فرە گرنگ و کاریگەر بویە لەبان یاسای بار کەسی"، وتیش: "د.ئەلزەلمی چەمکیگ فکری نوو لەبان بنەمای فامستن مرۆایەتی ئەرا ئیسلام دروسکردگە، ئەراوە کۆمەڵگەی کوردستان هەمیشە قەرزار رووشنهویری بەشدارییە پراکتیکییەیلیمن."
نێچیرڤان بارزانی لە درویژەی قسەیلی وتیش: "ئەلزەلامی ئەوە زانست کە توانادارکردن ژن تەنیا پەیوەندی وە ماف مرۆڤەو نەیرێد، بەڵکم هوکاریگ جەوهەرییە ئەرا بیناکردن کۆمەڵگایگ هازدار"، کە وت "رەحمەتی ئەوە فامست کە دەر ئیجتیهاد نیوەسیەێد تا وە واز بمینێد ئەرا هاوسەنگی وەرد کۆمەڵگا و سەردەم”.
وتیش: "ئیمە لە هەرێم کوردستان پابەندیمن وەی ریە کە دکتۆر مستەفا ئەلزەلامی سازیە".
سەرۆک هەرێم کوردستان لە کۆتایی قسەیلی وت: کارکەیمن ئەرا وەرنوابردن دادپەروەری کۆمەڵایەتی و مقیەتیکردن ماف مرۆڤ و دڵنیابوین لەوە کوردستان بوودە پەناگەیگ ئەرا وەخشین و وەیەکەوژیان.