خوەراک نەکوڵیاگ و پڕتاڵ لە چەرم ئاژەڵ
عومران پڕتاڵ وە چەرم ئاژەڵ ئەرا خوەی کردگە، و گووشت مانگا و ماسی نەکوڵیاگ خوەێد.
ئاژانس شەفەق نیوز لەناو دارسانەیل دینارتە لە قەزای عەقرە لە پارێزگای دهۆک کەفتە مینەی ئەو پیاو ئەڵاجەویە، تا باس خوەی بکەێد، و بویشێد چوین ئەرا ژیان جارانی گلەو خوارد، ک عومران ئویشێد: خوەشهاتنم لە شیوەی ژیان کویەنە، هیشت بامە دارسانەیل دینارتە وەتەنیا، چ لە شیوەی خواردن و هەمیش لە شیوەی وەرزش ک ناسریاگە وە (کریتوس).
هەمیش ئویشێد: گووشت مانگا و ماسی وە خامی خوەێد و خوەییش وەی ژیانە خوەشهاڵە، و دیاری کرد ک وەرزش کلاسیکی کریتوس هەکاتی کەسایەتییگ ناودیار وەناو (کریتوس) کەێد، ک ئەویش لەناو دارسان ژیان کردگە.
نیاندرتال خوەنەوارە و تەکنەلۆجیا وەکار تیارێد
عومران دەرچگ پەیمانگاس لە دینارتە، و رێنیگ پەس لەناو دارسانەگە ئیوەت کەێد، و هەمیشە وەینەی رەفتار رووژانەی خوەی گرێد.
هەمیشە جویلەی ئەو وەرزشە وە وەکارهاوردن گووچان و پڕتاڵ ئایەم نیاندرتال بڵاو کەێد.
دیارە ک ژیان ئی کابرا بویەسە جی مینەکردن ژیان سەرتایی، ک ئویشێد: چالاکوانەیل سۆشیال میدیا وینەیلم بڵاو کەن، و خوازن چەوپیکەفتن وەردم بکەن.