شەفەق نیوز- کرماشان
وەختیگ دۊتە گەنجەگە نیگار گەنجی (31 ساڵان) بڕیار دا وەرەو دەیشت و تەپە وازەیل لە پارێزگای کرماشان لە خوەرئاوای ئیران بچوود، لە شۊن دەرفەتیگ کار باو نەگەردیا کە وەگەرد بڕوانامە زانکۆییەگەی لە ئەندازیاری تەلارسازی بگونجێد، بەڵکم وەدۊای ئارەزوویگ خیزانی کۊن کەفتۊد کە لە باپیرەیەو ئەرای مەنۊد، و ئمڕوو بۊە مدوو پرۆژەیگ بازرگانی سەرکەفتگ لە کەرت هەنگەوانی.
وەپای راپۆرتیگ لە ئاژانس فارس ئیرانی، کە ئاژانس شەفەق نیوز ئەڵگەردانی کرد، چیروک گەنجی تیەێد تا لایەنەیلیگ لە ئاڵشتکارییەیل کەرت بەرهەمهاوردن هەنگوین لە کرماشان رەنگ بەێدەو، کە وە یەکیگ لە بنکە بنەڕەتییەیل ئەرا ئی پیشەسازییە لە وڵاتەگە هەژمار کریەێد، کە پلەی پەنجەم لەڕۊ بەرهەمهاوردنەو گرێد وە نزیکەی 7.277 تەن لە ساڵیگ، و زیاتر لە 3.100 هەنگەخانەی چالاک لەخوەی گرێد کە دەرفەتەیل کار ئەرا سەدان خیزان دابین کەن.
گەنجی لە نزیکەی 10 ساڵەو کارەگەی وە شیوەیگ پیشەگەرانە وەڕیەو بەێد، و چالاکییەیلی لە تەنیا بەرهەم هەنگوین فراوانەو بۊە تا رەسێدە وەڕیەوەبردن شانەیل، و ئیوەتکردن هەنگ، و دابینکردن ئامێرە پسپۆڕییەیل.
گەنجی ئۊشێد: "شایەت هەنگەوانی ئەرا یەکەمین نیگا پیشەیگ سەخت بۊنێد و تەنیا ئەرا پیاوەیل بوود، وەلی سەرکەفتن لەناوی وە پلەی یەکەم پشت وە هۊردەکاری و ئارامی و فامستن رەفتار هەنگەیل بەسێد".
ئی ئەندازیار و پەروەردەکار گەنجە زیاتر ئۊشێد کە پیشەگە فێری کردگە وەگەرد سروشت و ئاڵشتبۊنڵ کەشوهەواییەیلی هەڵبکەێد: "یەکیگ لە گەوراترین یایگردن هەنگەوانی ئەوەسە کە ئارامی واتە چەوەڕیکردن نەرێنی نییە، بەڵکم فتراق و تەقەلای وەردەوام و هەڵکردنە وەگەرد ژینگەگە".
وەگەرد ئەو رخبارییەیلە کە کەرتەگە تۊشیان بوود، گەنجی ئۊشرد کە کارەگە تەنیا لە هێز جەسەیی کوڵەو نیەکریەێد، وە هەژمارکردن ئەوەگ وەڕیوەبردن رخداریەیل و رەفتارکردن وەگەرد زنەوەرەیل لە ژینگەیگ واز هەوەجە وە زانیاری زانستی و هۊردەکاری فرەیگ دیرن، و دەسنشان ئەرا ئەوە کرد کە زانستن و شارەزایی گرنگییان لە تەقەلای ماسولکەیی کەمتر نییە.
لە سای بڵاوبۊن بەرهەمە ساختەیل لە بازاڕە جەهانی و ناوخۆییەیل، گەنجی داوا لە وەکارهاورەیل کەێد هانا بوەنە وەر وەشکینە تاقیگەییە پەسەنکریاگەیل ئەرا جیاوەکردن هەنگوین سروشتی، و دیاری کرد کە تایبەتمەندییەیل هەنگوین لە رەنگ و تام و بوو وە شیوەیگ بنەڕەتی پەیوەندیدارە وە جۊر داپووشەر رووەکی ئەرا ناوچەگە و وە تەنیا خوەی وە پەیمانەی یەکلاییکەر ئەرا کوالێتی هەژمار نیەکریەێد.
گەنجی تاقیکردنەگەی چۊ نموونەیگ ئەرا وەرەونوابردن ژنەیل و پیشەنگەیل کار لە ناوچە ئاوایس و دۊرەدەسەیل پیشکەش کەێد، دووپاتیش کەێد کە دەسوەپیکردن وە پرۆژەیل گەشەپیداین هەوەجە وە فێربۊن و پلەبەپلە و قەبووڵکردن ئەگەر شکانن دیرێد، لە جیای چەوەڕیکردن تا وەخت رزگاربۊن تەواو لە رخ.
و چیرووک گەنجی بەشیگ لە دیمەن کشتوکاڵی و ئابووری لە کرماشان نشان دەێد، کە لەناوی کەلەپوور خیزانی وەگەرد بەرهەمهاوردن ناوخۆیی بڕیەنە یەک لە پیشەسازییگ کە وە تەواوی پشت وە هاوسەنگی ژینگەیی و وەردەوامبۊن سەرچەوە سروشتییەیل بەسێد.