ماريا زاخاروفا قسه‌كه‌ر وه‌ناو وزاره‌ت خارجيه‌ی رووسی له‌ لێدوانيگ ئه‌را رووژنامه‌نويسه‌يل ك(شه‌فه‌ق نيوز)ئاگاداری بوی، وت: وه‌ متمانه‌ترين شيوه‌ هاوكاری وه‌ل عراق ئه‌كه‌يم و بنگه‌يگيش ئه‌را ئاڵشت وئوڵشت زانياری وجوود ديرێدو هه‌ر وه‌و خاتريشه‌ جواو گشت پرسياريگيش نايه‌يم ك عراق ئه‌خاده‌ی روی، به‌ڵكوو هاوكاری وه‌ل يه‌كتری ديريم و هويچ پرسياريگيش زيايه‌ نه‌كرياگه‌ له‌باوه‌ت گرفت گه‌شته‌يل ئاسمانی وه‌ بوونه‌ی مووشه‌كه‌يل رووسی.

جی باسه‌، له‌ی باوه‌تيشه‌و ته‌لار فايه‌ق وه‌ڕيه‌وبه‌ر ته‌ياره‌خانه‌ی ناوده‌وڵه‌تی هه‌ولێر وت: زه‌ره‌ده‌يل وسانن گه‌شته‌يل ئاسمانی ئه‌را ماوه‌ی دو رووژ له‌لايه‌ن ته‌ياره‌وانی عراقيه‌و بويه‌سه‌ هووكار نزيكه‌ی ٦٥٠ هه‌زار دۆلار وه‌ بوونه‌ی ئه‌نجام نه‌داين ١٠٠ گه‌شت ئاسمانی.