شەفەق نیوز/ سەرچەوەیگ ئەمنی لە پارێزگای نەینەوا، ئمڕوو دووشەممە، خەوەردا ک مناڵیگ وە بومبیگ دانریاگ لە خوەرئاوای شار مووسڵ کوشیا.

سەرچەوەگە ئەرا ئاژانس شەفەق نیوز وت: بومبەگە تەقیە بان مناڵیگ لە نزیک ئاوای عەزیز سەروە ناحیەی قەحتانیە  لە خوەرئاوای شار مووسڵ، هەنای خەریک شەوانی پەسەیل بوی لە مەوقەی گلەوخواردنی وەرەو خیزانەگەی، و دیاری کرد ک تەقینەوەگە بویە هووکار کوشتنی.

پەیامنێر ئاژانس شەفەق نیوز وت: یەکیگ لە مامووستایل مناڵەگە لە مەکتەوەگەی، وینەیگ ئەرا شوینەگەی لەناو تاقیکردنەوە بڵاو کرد، و لەباتی نووسان: ئمڕوو سەلمان سەیری لەناو برادەرەیلی دیاری نەوی.

وتیش؛ برادەرەیل مناڵەگە خەنای نووڕستنە شوینەگەی وەچوەڵی و خوەی نیەسەی، دەسکردنە گریە، وتیش؛ پرسیارەیل تاقیکردنەوەگە تا نزیکەی نیم ساعەت کەفتە دیر.

سەلمان لەناو مەکتەویگ لە سێ مەکتەو کوردی لە ناحیەی قەحتانیە خوەنێد، ک وەگورەی سیستەم خوەنەواری لە هەرێم کوردستان کار کەێد.