شەفەق نیوز/ پۆلیس سلێمانی دەسوەسەر مودێلیگ کورد کرد، وە توومەت سوکایەتی کردن وە هونەرمەنیگ لەڕی ڤیدیۆیگ لەبان ماڵپەڕەیل پەیوەندیە کۆمەڵایەتیەگان.

سەرکەوت ئەحمەد قسەکەر وەناو پۆلیس سلێمانی ئەرا ئاژانس شەفەق نیوز وت: سکاڵایگ لەلایەن سەندیکای هوونەرمەنەبل کوردستان دژوە مودێل هێلین ئاوات تۆمار کریا وە توومەت سوکایەتی کردن وە هونەرمەن کەریم کابان، و سکاڵاگە خریا وەردەس دادوەر لێکۆڵینەوە ک بڕیار دەسگیرکردن دژوە توومەتبارەگە دەرکرد.

وتیش؛ وەکوتپڕ فەرمان دەسکیرنەگە لەلایەن پۆلیس جیوەجی کریا، و ئەوەسا لێکۆڵینەوە وەگورەی مادەی دوویەم لە یاسای خراو وەکارهاوردن تەکنەلۆژیا وەگەردی کریەێد.

وەگورەی یاساگە، هێلین کەفێدە وەر شەش مانگ تا پەنج ساڵ زیندانی، یا باجیگ لە یەک مەلیۆن تا پەنج مەلیۆن دینار.

ئاماژەس ک هێلین ئاوات مودێلە ناودارەگە، لە یەکیگ لە ڤیدیۆەگانی لێدوانیگ وە سووکایەتی لەبان هونەرمەن کەریم کابان بڵاو کردگە، ک دڵگرانی لەلای خیزانەگەی و بەشیگ لە هونەرمەنەگان پەیا کرد