شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، له هه‌وارگه‌ى سه‌ڵاحه‌دين له هه‌وڵێر پيشوازى كرد له شانديگ له ئه‌نجومه‌ن نيشتمانى كورد له سوريا ك پيكهات له هه‌ريه‌ك له كامه‌ران حاجۆ سه‌رۆك په‌يوه‌نديه‌يل خارجيه له ئه‌نجومه‌ن و ئبراهيم برۆ ئه‌ندام ئه‌نجومه‌نه‌گه.
له به‌ياننامه‌ى ماڵپه‌ڕ بارزانى ئه‌را شه‌فه‌ق نيوز ئه‌وه ده‌ركه‌فت ك له‌و ديداره باس له دويايين روێداگه‌يل سياسى سوورى و هه‌ڵويست وڵاته‌يل كرياگه وه‌رانوه‌ر قه‌يران سوريا و هاوكيشه‌يل ئيسه‌ى مه‌يدانى و سياسى له‌بان ئاست سوريا و ناوچه‌گه.
به‌ياننامه‌گه ئاماژه وه‌يه‌يش كرد له‌و دانيشتنه رووشنايى خرياسه بان هه‌ڵويست لايه‌نه‌يل كورد سوريا له بارودوخ گشتى له سورياو ئاينده‌ى ملله‌ت كورد له‌و وڵاته و باس له‌وه‌يش كرد بارزانى له‌و ديداره راێ خوه‌ى ئاموژگاريه‌يلێ پيشكه‌ش كرده‌سه شاند ميوان له‌و باوه‌ته‌و.