شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان، پيروزبايى له رووژنامه‌نويسه‌يل له هه‌رێم كرد وه بوونه‌ى ساڵياد رووژنامه‌گه‌رى كوردى و دامه‌زرانن سه‌نديكاى رووژنامه‌نوسه‌يل و ره‌ساننكاره‌يل له كوردستان و سوپاسگوزارى خوه‌ى پيشكه‌ش وه ده‌زگايه‌يل ره‌سانن له هه‌رێم كرد له‌وه‌ر رۆليان له‌سه‌رده‌م په‌تاى كۆرۆنا.
بارزانى له په‌ياميگ پيروزبايى ك روينويسيگى ره‌سيه شه‌فه‌ق نيوز، وت: گه‌رمترين و جوانترين پيروزبايى له رووژنامه‌نوسه‌يل و ره‌ساننكاره‌يل گشت كوردستان ئه‌كه‌م وه بوونه‌ى 122ه‌مين ساڵياد ده‌رچگن يه‌كه‌م رووژنامه‌ى كوردى(كوردستان)و پيروزباييش له سه‌نديكاى رووژنامه‌نويسه‌يل كوردستان ئه‌كه‌م وه‌بوونه‌ى 22 ساڵه‌ى دامه‌زراننى و ئوميد سه‌ركه‌فتن وه‌رده‌وام ئه‌راى ئه‌خوازم.
بارزانى وت: وه‌رفه‌تيگ زانمه‌ى گوزارش له ريز و وه‌پيزانين خوه‌م بكه‌م له‌گشت ده‌زگايه‌يل ره‌ساننكار له هه‌رێم كوردستان له‌وه‌ر رۆڵ گرنگيان له جيوه‌جيكردن رێ وشوونه‌يل خواست و ته‌ندروستى و بڵاوكردنه‌وه‌ى رينمايه‌يل ته‌ندروستى.
بارزانى هه‌ميش وت: وه‌ى بوونه‌وه ريز و سڵامم ئه‌را ئه‌و رووژنامه‌نويسه‌يل پيشه‌نگه ك گيان خوه‌يان كردنه قوربانى له‌وه‌ر ره‌سانن ده‌نگ و كيشه‌ى ملله‌ت كوردستان و سڵامم له سه‌رجه‌م رووژنامه‌نويسه‌يل و ئوميده‌وارم له دۆخيگ له‌بار و ئاسووده ياد ئى رووژه‌و بوونه‌يل تر بكه‌يم.