شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان, داوا له كۆمه‌ڵگاى ناوده‌وڵه‌تى كرد كوومه‌ك عراق و كوردستان بكا وه‌خاتر وه‌رپه‌رچدانه‌وه‌ى تيرۆر.
بارزانى له به‌ياننامه‌يگ ئه‌را شه‌فه‌ق نيوز وت: جى داخه دويه‌شه‌و له ئه‌نجام په‌لامار تيرۆريسته‌يل داعش ئه‌را بان شاروچكه‌ى كۆڵه‌جۆى سه‌ر وه قه‌زاى كفرى، وه‌ڕيه‌وبه‌ر و دوو كارمه‌ند ئاسايش شه‌هيد بوين و چه‌ن كارمه‌نديگيش زه‌خمدار بوين. پرسه‌و سه‌ره‌خوه‌شه‌ى له كه‌س و كار شه‌هيده‌يل ئه‌كه‌م و ئوميده‌وارم خوداى گه‌وره وه به‌هيشت شاديان بكاو ئوميد خاسه‌وبوينيش ئه‌را زه‌خمداره‌يل ئه‌خوازم.
به‌ياننامه‌گه هه‌ميش وت: ئى په‌لامار تيرۆريستى داعشه، ئه‌وه ده‌رخه‌ێد ك ئى ريكخرياگ تيرۆريستيه هيمان وه‌ته‌واوى له‌ناو نه‌چيه‌و ئيمه‌يش له‌ى باوه‌ته‌و چه‌ن جاريگ هووشدارى دايمنه، هه‌ر وه‌و خاتريشه بايه‌سه كۆمه‌ڵگاى ناوده‌وڵه‌تى له كوومه‌ككردن هه‌رێم كوردستان و عراق وه‌رده‌وام بدێ ئه‌را وه‌رپه‌رچدانه‌وه‌ى داعش و كاركردن له‌وه‌ر خاتر نه‌هيشتن ئه‌و هووكاره‌يله ك بوونه هووكار سه‌رهه‌ڵداين و چالاكبوينه‌وه‌ى ريكخرياگه‌يل تيرۆريستى.