شه‌فه‌ق نيوز/ مه‌سرور بارزانى سه‌رۆك وه‌زيره‌يل راسپارياێ له هه‌رێم كوردستان، ئاشكراى ئه‌وه كرد ك ده‌س وه گامه‌يل كردگه ئه‌را دامه‌زرانن حكومه‌ت تازه له هه‌رێم.
له‌ى باوه‌ته‌و، نويسينگه‌ى ره‌سانن بارانى له به‌ياننامه‌يگ وت: مه‌سرور بارزانى له هه‌ولێر چه‌وى كه‌فته‌سه ماسيۆ توله‌ر باڵيۆز تازه‌ى ئه‌مريكا له عراق و شانده ياوه‌ره‌گه‌ى و له‌و ديداره باس له په‌يوه‌نديه‌يل ناونى هه‌رێم كوردستان و ئه‌مريكا كرياگه بيجگه باسكردن دويا روێداگه‌يل له ناوچه‌گه وه‌شيوه‌يگ گشتى.
به‌ياننامه‌گه يه‌يش ده‌رخست له‌و ديداره رووشناييش خرياسه بان پرووسه‌ى دامه‌زرانن حكومه‌ت تازه‌ى هه‌رێم كوردستان و له‌تى مه‌سرور بارزانى ئاماژه وه ده‌سوه‌پيكردن گامه‌يلى كردگه ئه‌را دامه‌زراننى و له‌ماوه‌ى دياريكرياگ خوه‌ى دامه‌زراننى پيشكه‌ش وه په‌رله‌مان ئه‌كا.