شەفەق نیوز/ دادوەر هونەر ئەحمەد محمد سەرۆک ئەنجومەن کۆمسیۆنەیل، ئمڕوو جمعە، باس دەنگدان تایبەت لە هەڵوژاردن پەرلەمان کوردستان عراق لە خول شەشەمی کرد کە وە کونجیاگ و خاس وەڕیەو چوود، و داوا لە دەنگدەرەیل کرد ئارام بوون.

محمد ئەرا رووژنامەنویسەیل وت: دەرەیل 165 بنکەی دەنگدان لە ساعەت هەلت شەوەکی واز کریا، 12 لەلییان لە ناوچە و شارەیلیگ جیاجیا لە دەیشت هەرێم کوردستان.

وتیش: دەنگدانەگە فرە خاس وەڕیەو چوود، و داوا لە دەنگدەرەیل لە هیزەیل پیشمەرگە و هیزەیل ئاسایش کرد مقیەتی ئارامی بوون هەناێ دەنگ دەن.

دادوەر محمد وتیش: بنووڕنە ئی دەنگدانە چمای نووسینە بازی تووپان وەبی کرژی، دووپات کرد کە بردن مۆبایل ئەرا ناو بنکەی دەنگدان قەیەغەس.

لەلای خوەییش ئەندامیگ وەناو ئەرکان لە قسەیلی ئەرا ئاژانس شەفەق نیوز وت: ئمڕوو هاتیمنە تا دەنگ بیەیمن، و کارەگە گونجیاگ بوی وەبی گیچەڵ، و ئومید خوازیمن دەنگدەرەیل دەنگ وە لایەن پووڕیاگ بیەن کە خزمەت گەل بکەن. 

لەلای خوەییش، ئەندامیگ وەناو کاروان ئەرا ئاژانس شەفەق نیوز وت: دەنگدان وەردەوامە کە هاتن خاسیگ وەلایەن دەنگدەرەیل هەس.

کۆمسیۆن باڵای سەروەخوەی هەڵوژاردن، شەوەکی ئمڕوو جمعە، دەر بنکەیل هەڵوژاردن واز کردن، ئەراک وەرگردن ئەندامەیل هیزەیل پیشمەرگە و هیزەیل ئاسایش ناوخوەیی تا لە رووژ دەنگدان تایبەت ئەرا هەڵوژاردن پەرلەمان کوردستان لە خول شەشەمی دەنگ بیەن.