شەفەق نیوز/ ئمڕوو یەکشەممە، کۆمسیۆن هەڵوژاردن راگەیان کە تا نینەڕو ریژەی بەشداری لە هەڵوژاردن پەرلەمان کوردستان رەسیە 31%.

 ئەیسەر یاسین قسەکەر کۆمسیۆن لە کۆنگرەیگ رووژنامەوانی وت: ریژەی بەشداریکردن لە هەڵوژاردن تا ساعەت 12ی نیمەڕو وەیجویرە بوی: دهۆک: 31%، هەولێر: 34%، سلێمانی: 29%، هەڵەبجە: 33%، و وەیجویرە ریژەی گشتی بەشداریکردن رەسیەسە ٣١%.

 کۆمسیۆن هەڵوژاردن دووپات کرد کە لە پڕۆسەی دەنگدان کێشەی تەکنیکی بویە، وەتایبەت وەگەرد خوەنەر پەنجەموور، وتیش: کێشەی ئیسە لە زانیارییەیل نییە، بەڵکم چوودەو ئەرا کەسەیلیگ کە وەدەس نەوین پەنجموور ناڵن. 

 دیاری کرد کە ری وە هویچ جویرە  وەخشین و ریدانیگ ئەرا دەنگدان وە ناسنامە یا هەر شیوەیگ ترەک نەیریا، چوینکە دەنگدان تەنیا ەە پەنجەموور ئەنجام دریەێد.

 کۆمسیۆن وتیش: ئی رێکارە لە سەرتاسەر عراق پەسەن کریاس، و بەشیگە لە سیستم ئەو ئامێرەیلە لە پرۆسەی دەنگدان.

پڕۆسەی دەنگدان لە دەنگدان گشتی لە هەرێم کوردستان کە شەوەکی ئمڕوو یەکشەممە دەسوەپی کرد بڕیک کێشە وەخوەی دی، دیارترینیان دەرنەکەفتن پەنجەموور بڕیگ لە دەنگدەرەیل، وەتایبەت لەناو کەسەیل گەورەتەمەن، وەگورەی پەیامنێرەیل ئاژانس شەفەق نیوز، لە پارێزگا و ناوچەیل هەرێم.