شەفەق نیوز/ وەزارەت تەندروسی لە حکومەت هەرێم کوردستان، ئمڕوو پەنجشەممە، راگەیان توومارکردن ٩ مردن و ١٤٠٩ تۊشهاتن نوو وە ڤایرۆس کۆڕۆنا لە ماوەی ٢٤ سەعات گوزەیشتە.
وەزارەتەگە لە بەیاننامەیگ رەسیە ئاژانس شەفەق نیوز وت: تاقێگەیلی لە ماوەی ٢٤ سەعات گوزەیشتە ٨٩٢٦ تاقیکردنەوە ئەنجام دانە، لەناویان تۊشهاتن ١٤٠٩ کەس دیاری کریا.
بەیاننامەگە باس توومارکردن ١٥٣٤ بیمار لە پەتاگە کرد، وەگەرد ٩ مردن، لە گشت ناوچەیل هەرێم کوردستان.
بەیاننامەگە وتیش: تا ئیسە ٢١٨٧١ بیمار کەرەنتین کریانە، و ٣٢٣٠٥١٤ تاقیکردنەوە ئەنجام دریاگە، لەناویان ٣٤٧٢٥٣ تۊشهاتن ئاشکرا بۊیە، لەلیان ٣٢٠٤٨٥ بیمار خاسەو بۊینە، و ٦٠٨٩ مردنە.