شەفەق نیوز/ وەزارەت تەندروسی لە حکومەت هەرێم کوردستان، ئمڕوو دووشەممە،  راگەیان توومارکردن ٧٦ تۊشهاتن نوو وە ڤایرۆس کۆڕۆنا،  وەگەرد ٧ مردن لەوەر پەتاگە.        

وەزارەتەگە لە بەیاننامەیگ رەسیە ئاژانس شەفەق نیوز وت: تاقێگەیلی وە ماوەی ٢٤ سەعات گوزەیشتە ٤٤٨١ تاقیکردنەوە ئەنجام دانە،  لەناویان ٧٦ تۊشهاتن نوو وە ڤایرۆس کۆڕۆنا ئاشکرا کریا.    

بەیاننامەگە وتیش: لە خود ماوەگە ٢١١ بیمار لە پەتاگە خاسەو بۊین،  و ٦ بیماریش لەوەر پەتاگە مردن.    

وەزارەتەگە وتیش: گشت شمارەی ئەو کەسەیلە ک کەرەنتین کریانە رەسیە ٢١٨٧١ کەس، و ٣٦٥١٠٩٢ تاقیکردنەوە ئەنجام دریاگە، لەناویان ٣٨٠٣٥١ تۊشهاتن ئاشکرا بۊیە، ٣٧١٣٨٧ بیمار لەلیان خاسەو بۊینە،  و ٧٠٩٩ مردنە.