شەفەق نیوز/ ئمڕوو شەممە، هونەرمن ناسریاگ ئاری بابان لە دویای ململانەیگ وەگەرد بیماریەگە کۆچ دویایی کرد.
نیاز نوری وەرپرس سەندیکای هونەرمەنەیل کوردستان لەبان ماڵپەڕ فەیسبووک نووسان: هونەرمەن وشیوەکار گەورا ئاری بابان وەرپرس وەرین سەندیکاگە لە کەرکوک، لە دویای ململانەیگ وەگەرد بیماریەگە، شەوەکی ئمڕوو کۆچ دویایی کرد.
هونەرمەن کۆچکردگ لە داڵگ بوی ١٩٥٣ لە شار کرکوکە، لە ساڵ ١٩٧٦ لە کۆلێژ ئاداب بەش کتاوخانەگان و زانیاریەگان دەرچگە.
لە یەکەم پێشەنگای لە ساڵ ١٩٧٢ دەسکردە ری هونەریەگەی وەگەرد هونەرمەنەیل (کارا- ئەیوب شەریف) لە هۆڵ ئیمام قاسم لە کەرکوک،
لە کۆتایی مانگ ئادار ٢٠٠٨ نزیکەی ١٠٠ تابلۆی بابان لە ئاگربگ لەناو ماڵەگەی سزیان، تا ئی هونەرمەنە بەش گەورایگ لە ئەرشیف خوەی لەدەس بەێد، بیجگە وتارەگانی لە گۆڤارە گشتیەگان و هونەریەگان.