شەفەق نیوز/ وەزارت تەندروسی لە حکومەت هەرێم کوردستان، ئمڕوو پەنجشەممە، راگەیان ک تاقێگەیلی لە ماوەی ٢٤ ساعەت گوزەیشتە ١٦ مردن لەوەر ڤایڕۆس کۆڕۆنا تۆمار کردن، تا گشت ژمارەی مردنەیل بوودە ٥ هەزار.
وەزارەتەگە لەبەیانامەیگ رەسیە ئاژانس شەفەق نیوز وت: ١١٥٤٢ تاقیکردنەوە ئەنجام داگە، لەناویان ١٩٢٥ تووشهاتن نوو لە ماوەی ٢٤ ساعەت گوزەیشتە لە گشت ناوچەیل هەرێم تۆمار کردگە.
بەیاننامەگە وتیش لە خود ماوەگە ١٤٢١ بیمار لە پەتاگە خاسەو بوین.
بەیاننامەی وەزارەتەگە دیاری کرد ک لە مەوقەی دەرکەفتن پەتاگە ٢١٨٧١ کەس کەرەنتین کریانە گشتیان لە خەسەخانە دەرچگنە، وتیش؛ ئەنجام ٢٦٢٧٣٧٣ تاقیکردنەوە ئاشکرای تووشهاتن ٢٦١٦٢٧ کەس کرد، لەلیان ٥ هەزار مردنە، و ٤٦٩٠٩ بیمار لە چەودیری پزشکی مەننە.