سەرچەوەیگ ئەمنی، دویەکە شەو سێشەممە وەبان چوارشەممە، خەوەردا لە رویدان رویداویگ لەیەکەوداین تونیگ لەناوەین دوو بارهەڵگر لە یەکتربڕ پەڵکانە نزیک قەزای خانەقین باکوور خوەرهەڵات پارێزگای دیالە.
سەرچەوەگە وە ئاژانس شەفەق نیوز راگەیان، رویداوەگە لە ئەنجام بویە مدوو مردن رانندەیگ بارهەڵگرەیل لە شوین رویداوەگە، و زەخمداری رانندەی ترەک کە وە مدوویەو ئەرا چارەسەرکردن بریارە خەستەخانە.
دیاریکرد، تیمەیل وەرگیری شارستانی دەسکردنە وە کارەیل قورتارکردن و توەنستن لەدویای تەقەلای وەردەوام تەرم قوربانیەگە درارن لە دویای کوتکردن و بڕین بەشەیل بارهەڵگرە زەرد دیەگە.
تا ئیسە هووکار رویداوەگە نەزانریاس لایەنەیل پەیوەنیدار دەسکردنە وە لێکۆڵینەوە و کوکردن زانیاری.