شەفەق نیوز/ وەڕیەوبەرایەتی فریاکەفتن لە خەسەخانەی سلێمانی، ئمڕوو شەممە، خەوەردا لە مردن کاریکاریگ بیناسازی لە ئەنجام کەفتنی لە بەرزی بینایگ لە کۆمەڵگەی نیشتەجیبوین.
سامان نادر، وەڕیەوبەر بنکەی فریاکەفتن سلێمانی ئەرا ئاژانس شەفەق نیوز وت: کراکاریگ بیناسازی دویای وەخوارکەفتنی لە بینای بەرزیگ گیانی لەدەسدا، و تەرمەگەی ئەرا پزشک دادوەری بریا.
وتیش: لایەنەیل پەیوەندیدار ئیسە کار ئەرا رەسین وە بندروس رویداوەگە کەن.
هەرلیوا، سەرچەوەیگ تایبەت ئەرا ئاژانس شەفەق نیوز وت: کراکارەگە لە تەمەن 25 ساڵان هاووڵاتییگ کوردە خەڵک خوەرھەڵات کوردستان، لە قات سیانزەهەم لە بینایگ لە کۆمەڵگەی نیشتەجیبوین کەفتیەسە خوار کە ها ژیر بیناکردن لە نزیک پارێزگای سلێمانی.