شەفەق نیوز ـ دهۆک
سەرچەوەیگ ئەمنی لە پارێزگای دهۆک، ئمڕوو یەکشەممە، خەوەردا لە مردن دوو گەنج وە مدوو رویداو هاتوچو کە دویەشەو دیروەخت رویدایە وە لە یەکەوداین ماتوڕسکیڵەگەیان وە وەربەسیگ کنار جادەگە.
سەرچەوەگە وە ئاژانس شەفەق نیوز وت، دوو گەنجەگە لەبان ماتوڕسکیلیگ بوینە هنای لەیەکەودانە وە کۆنکرێتیگ، بویەسە مدوو دەرچگن و کەفتن خوار سەرنشینیگی، وەرجە ئەوەگ لەوەر تیژی لەیەکەودانەگە بدەێد لە ستوینیگ کارەبا.
وتیش؛ لە ئەنجام رویداوەگە دوو گەنج لەوەر زەخمداریبوین سەخت گیان لەدەسدان، دیاریکرد تەرمەیلیان ئەرا پزیشک دادوەری کلکریاس.