شەفەق نیوز/ فەرمانگەی تەندروسی لە ئیدارەی ناوچەی سەروەخوەی " زاخۆ"، ئمڕوو یەکشەممە، خەوەردا لە مردن و زەخمداری 8 کەس وە رویداو هاتوچوی لەبان ری سەرەکی ناوەین ناوچەگە و پارێزگای دهۆک.
وەرپرس راگەیانن تەندروسی زاخۆ ئەمیر عەلی وە ئاژانس شەفەق نیوز وت، شەو شەممە لەبان یەکشەممە دوو کەس گیان لەدەسداا وە مدوو رویداویگ هاتوچوی لەناوەین شار دهۆک و زاخۆ رویدابوی.
وتیش 6 کەس تویش زەخمداری جویراوجویر بوینە یەکیگیان بارودۆخی ناجیگیرە خوازێد ئەرا یەکیگ لە خەسخانەیل پارێزگای دهۆک کلبکریەد.
وتیش، رویداوەیگ لەناوەین ماشینیگ بویچگ وەرد بارهەڵگریگ گواستنەوەی کەلوپەل رویدایە.