شەفەق نیوز/ دوو خوەنەوار برا، شەوەکی ئمڕوو سێشەممە، گیان لەدەسدان وە رویداویگ هاتوچو لەوەخت گلەوخواردنیان لە تاقیکردنەوەیل کۆتایی ساڵ خوەنستن لە یەکیگ لە ناوچەیل ئیداری سەروەخوەی "گەرمیان" لە هەرێم کوردستان.

سەرچەوەیگ ئەمنی وە ئاژانس شەفەق نیوز وت "رویداوەگە لە ئاوای  (دسوتكه‌) سەر وە ناحیەی مەیدان لە سنوور ئیدارەی گەرمیان رویدایە، دوو براگە تەمەنیان 

  14 و16 ساڵانن، وەبان پاسکیلەو  لە تاقیکردنەوەیل گلەوخواردنە، کە لەیەکەودەن وەرد بارهەڵگریگ کە وە ناوچەگە رەدبویە، لە ئەنجام بویەسە مدوو گیان لەدەسدان دەسوەجیان".

دیاریکرد، قوربانیەیل لەری گلەوخواردن وینە لە مەکتەو، کە کۆتا تاقیکردنەوەی ئمساڵیان ئەنجام دانە، وتیش " رویداوەگە شۆک گەپیگ لەناو مەردم ناوچەگە دروسکردیە".