شەفەق نيوز/ کۆچەر جەماڵ وەڕیەوبەر بەنداو دوکان، ئمڕوو دووشەممە، ئاشکرای داوەزیان تیژیگ لە ئاو ناو بەنداوەگە کرد، دووپاتیش کرد کە ریژەی ئیسە لە 24% لە توانای هەڵگردن ئاو رەگ نیەکەێد، کە خوارترین ئاستیە لە ماوەی زیاتر لە دوو سەدە.

جەماڵ ئەرا ئاژانس شەفەق نیوز وت: بڕ ئاو لەناو بەنداو دوکان وەڕیژەی 30% وەچەو ساڵ گوزەشتە داوەزیا، لەوەر کەمی واران لەلاییگەو، و دروسکردن بڕیگ لە بەنداوەیل لەبان چەم زێو بویچگ کە ئاو ئەرا دەریاچەی بەنداوەگە کلکەێد، دیاری کرد کە ئی داوەزیانە زەرەد وە کەرت کشتوکاڵی ناوچەگە رەسان.

 وتیش: ریژەی ئەمار ئاوەگەی ناو ئی بەنداوە ئیسە رەسێدە نزیکەی 1.6 مليار متر شەشپاڵوو، کە تەنیا 24% لە توانای هەڵگردن تەواو  بەنداوەگە کەێد، کە خوارترین ریژەس لە ماوەی ساڵەیل 20 تا 25 گوزەشتە.

جەماڵ وتیش: مدوو سەرەکی ئی داوەزیانە گلەو خوەێد ئەرا ئاڵشتبوین کەشوهەوا و واران لە وەرز زمسان گوزەشتە، کە توومارکردن وارانەگە لە 220 ملم رەد نەکرد، لە وەختیگ ریژەی ساڵانە لە ناوچەگە رەسێدە نزیکەی 600 ملم.

وتیش: دویەم مدوو دانانیان ئاوەگە خوەی دروسکردن بەنداوەیلا لەبان چەم زێو بویچگ لە دەوڵەتەیل هاوسا، لەبان ئەو چەمەیلە کە ئاو وەرەو دەریاچەی دوکان کلکەن.

 ئی داوەزیان نیگەرانییە لە ئەمار بەنداو دوکان لە وەختیگ تیەێد کە ناوچەیل فراوانیگ لە کوردستان پشت وە ئاوەگەی بەسن ئەرا ئاویاری کشتوکاڵی و نووشینر کە هەڕەشەی بەرزکردن قەیران ئاو دەێد لە هەرێم ئەگەر ریکارەیل زویوەزوی لە ئاست ناوخوەیی و هەرێمی جیوەجی نەکریەن.