شەفەق نیوز/ گومرک پارێزگای ئیلام لە ئیران، ئمڕوو سێشەممە، راگەیان  294 هەزار و472 تەن لە بەرهەمە کشاوەرزی جیاوازەیل ئەرا عاق کلکریاس لەری سنوور ناودەوڵەتی میهران.

 وەڕێوەبەر گشتی گومرک پارێزگای ئیلام، سوهراب کەمەری ، وەپای ئاژانس ئیرانی "میهر" وت: "بڕ کوو گشتی هەناردەیل رەسیە ئەرا  123 ملیۆن و34 هەزار و497 دۆلار"، دیاریکرد "لە دیارترین بەرهەمەیل هەناردەکریاگ  کاڵەک و سیف و خەیار و تەماتە و پرتەقاڵە".

 وتیش "کوو گشتی هەناردەیل لە سنوور مهران ئەرا عراق و وڵاتەیل ترەک لە سەرەتای ساڵ وەرین تا کۆتایی مانگ دە هەمان ساڵ رەسیە ئەرا  1.462 مليار دۆلار، وە کێش  2.448 مليۆن تەن".

دیاریکرد "یەکسانە وە 400 بارهەڵگر رووژانە کە سنوور رەدکەن وە ئاراستەی عراق کە کەلوپەلەیل بازرگانی و هەناردە گرێدەخوەی، لەدویای وەرگردن رێکارەیل گومرکی پێویست".

سنوور میهران وە یەکیگ لە  گرنگترین سنوورەیل بازرگانی ناوەین ئیران عراق دانرێد، رۆل گرنگیگ دیرێد لە جویلەی ئاڵشتکردن بازرگانی ناوەین دوو وڵاتەگە.