شەفەق نیوز/ شەوەکی ئمڕوو شەممە، دەسکریا خوەینشاندان مامووستایل سلێمانی، لە ناڕەزایی لەبان بڕیار بەرزەوکەن پلەی مەرجدار لەلایەن حکومەت هەرێم کوردستان.
ناڕەزایلە جادەی سالم لە وەردەم پەروەردەی پارێزگاگە بڕین، و هۆڵەیل خوەنەواری وەجی هیشتن، و تابلۆیلیگ وە رەتکردن ئەو بەرزەوکەن پلەیل مەرجدار هەڵگردن، و داوای یەکسانی ناوبەین فەرمانبەرەیل.
کاروان ئەحمەد (یەکیگە لە ناڕەزایل) ئەرا ئاژانس شەفەق نیوز وت: بڕیار حکومەت هەرێم کوردستان ک لە باوەت بەزەوکردن پلەیل پیشەیی مەرجدار ئەرا فەرمانبەرەیل کەرت گشتی، شیوەیگترە لە شیوەیل ستەم لەبان فەرمانبەرەیل حکومەتی، و وەشیوەیگترە لە دووچەوەکی حزبی ناوبەین فەرمانبەرەیل.
ئەحمەد وتیش: بایەت بوی حکومەت هەرێم کوردستان گشت خوازینەیل ژیانی و پیشەیی ئەرا فەرمانبەرەیل دابین بکردیاد، ئیجا رکابەری ناوبەین فەرمانبەرەیل دروس بکردیاد.
وتیش: خوەینشاندان وەداوای مافەیل ئەوەسا وەردەوام بوود و ئەوەسا بایکۆت هۆڵەیل خوەنەواری کەیمن تا داوایلمان جیوەجی کریەن.
هەرلیوا، پەیامنێر ئاژانس شەفەق نيوز وت: مامووستایل پارێزگای هەڵەبجە، و قەزای رانیە، دەرچگنە خوەینشاندان وە هاوشیوەی سلێمانی، ئەرا خود داواگە، ک رەکردنە ئەرا پلەبەرزکردن مەرجدار.
لە ٢٥ تەشرین یەکەم گوزەشتە، حکومەت هەرێم کوردستان بڕیار دا بەرزەوکەن پلەی ک لە ساڵ ٢٠١٤ وسیاگە گلیەو بیەید، وەلێ وە مەرجەیلیگ، و دووپات کرد ک تا رکابەری ئەرێنی بکەفێدە ناوبەین فەرمانبەرەیل، و لە سەر ساڵ ئایندە ئی بڕیارە جیوەجی کریەێد.