شەفەق نیوز/ کەسوکارەیل قوربانیەیل کوشتارەگەی "فەرمانبەران" لە هەولێر، شەوەکی ئمڕوو جمعە، ماڵئاوایی لە تەرم کەسەیل ئەو خیزانە کردن کە وەدەس زاوایان کوشیان.
پەیامنێر ئاژانس شەفەق نیوز وت: کەسوکارەیل قورب شەفەق ئمڕوو ماڵئاوایی لەلییان کردن، و لەناو یەکیگ لە قەورسانەیل هەولێر پایتەخت هەرێم کوردستان وەخاک نریان.
دویەشەو پەنجشەممە، پزشکیگ پەلامار ماڵ خەسویرەی دا لە گەڕەک فەرمانبەران لە شار هەولێر، و چەن کەسیگ لە یەک خیزان کوشت.
پەیامنێر ئاژانس شەفەق نیوز وت: بکوشەگە پزشکە، و ژنەییش پزشک بویە کە لەناو کوشیاگەیل بوی، دیاری کرد کە ئەو کێشە لەبان ئەوە بویە کە بکوشەگە ژنیگ ترەک وە دزیەو خوازیە.
لەشوین ئەوە، هیزەیل ئەمنی رەسینە شوین رویداوەگە و لێکۆڵینەوە لە تاوانەگە واز کرد، و کەفتنە مینەی تاوانکار.
دویای وەخت کوڵیگ لە تاوانەگە، وەڕیەوبەرایەتی ئاسایش هەولێر، شەفەق ئمڕوو جمعە، دەسگیرکردن ئەو پزشک بکوشە راگەیان، دویای چەن ساعەتیگ لە تاوانەگە.
ئاسایش لە بەیاننامەیگ رەسیە ئاژانس شەفەق نیوز وت: دویای رەسین ئاگاداری لە تەقەکردن لە گەڕەک فەرمانبەران، تیمەیل ئیمە کەفتنە وەشوینکەفتن و مینەکردن، دیاری کرد کە توومەتبار (س. م)، کە پزشکە لەبان ناکۆکی کۆمەڵایەتی وە دەوانچە ژنەی و باوگ و داڵگ و خوەشک ژنەی کوشتیە.
وتیش: فەرمان دەسگیرکردن وەلایەن دادوەر لێکۆڵینەوەی ئاسایش هەولێر جیوەجی کریا، کە بەندی کریا ئەرا تەواوکردن ریکارەیل یاسایی.