شەفەق نیوز ـ هەولێر

وەڕێوەبەرایەتی کەش و هەوا و چەودێری زەویلەرزەیل لە هەرێم کوردستان، ئمڕوو شەممە، مەزەنەی کەش و هەوا، ئەرا، ئمڕوو و سوو یەکشەممە، راگەیان و دیاریکرد ئەرا ئەگەر واران وارین  ناهاوسەنگی پلەی گەرمی.

وەڕێوەبەرایەتیەگە لە بەیاننامەیگ رەسیە ئاژانس شەفەق نیوز وت: کەش ئمڕوو شەممە وە گشتی پاک تا نیمە ئەور بوود، وەگەرد ئەگەر واران وارین کوڵیگ  لە ناوچە و وەختە جیاوازەیل،  وە تایبەت لە ناوچە کویەیل سەر وە پارێزگای سلێمانی و ئیدارەی سەر وە سۆران.

هەمش راگەیان، وا سووک تا ناوڕاسیگ بوود وە تونی  10 تا 20 کیلۆمەتر لە ساعەتیگ، و گاجاریگ گورجەوبوود  30کیلومەتر لە سەعاتیگ ردکەێد، ئاراستەی وا ئاڵشتەوبوی بوود و پڵەی گەرمی وە بڕ   1 تا 2 پلەی سەدی بەرزەوبوود بەراورد وە دویەکە.

 وەپای بەیاننامەگە، بەرزترین پلەی گەرمی چەوەڕێکری ئەرا ئمڕوو   شەممە لە هەرێم کوردستان ویجویرەس: هەولێر 43، سلێمانی 39، دهۆک 41، هەڵەبجە 40، گەرمیان 46، زاخۆ 42، عەقرە 41، جەمجەمال 41، پێرەمام 37، و حاجی ئۆمەران 32 پلەی سەدی.

ئەرا کەشوهەوای سوو یەکشەممە، لە بیاننامەگە ئاشکرایکرد، کەش لەناوەین نیمەئەور و ئەورە، وەرد وەردەوامبوین دەرفەت واران وارین کوڵیگ لە ناوچە کویەیلە، وتیش پلەی گەرمی داوەزێد وە   (2 - 3) پلە بەراورد وە ئمڕوو.

 بەرزترین پلەی گەرمی چەوەڕێکریاگ ئەرا سوو  یەکشەممە لە هەرێم وەیجویرەس: هەولێر 40، سلێمانی 38، دهۆک 39، هەڵەبجە 40، گەرمیان 43، زاخۆ 40، عەقرە 40، جەمجەمال 40، پێرەمام 36، و حاجی ئۆمەران 31 پلەی سەدی.