شەفەق نیوز/ سەرچەوەیگ ئەمنی لە هەرێم کوردستان، ئمڕوو شەممە، خەوەردا ک مینیگ لە سەردەم بەعس بۊیە هووکار کوشیان کەسیگ.
وەڕیەوبەرایەتی پۆلیس ئیدارەی گەرمیان لە هەرێم کوردستان، خەوەردا لە کوشیان کەسیگ وە تەقین مین کۆنەیگ لە سەردەم بەعس لە ناوچەی قوورەتو.
عەلی جەمال قەدوری قسەکەر پۆلیس گەرمیان لە بەیاننامەیگ رەسیە ئاژانس شەفەق نیوز وت: هاووڵاتییگ لە گردەوکردن ئاسن لە ئاوای ماجد سالار دەسکاری مینیگ کۆنە هن سەردەم بەعس کردگە، و تەقیەسە رۊیی ووەکوتپڕ کوشتیەسەی.
وتیش ئی کابرا نەناسریاگە چۊنکە هۊچ بەڵگەیگ وەپی نییە، و هەرکەسیگ خیزانەگەی ناسێد وە ێنەی ماشینەگەی ک مارکەی وازە ولەی خوارە بڵاوی کریاگە،بخەوەرداریان بکەێد، تا سەردان خەسەخانەی هەژار بکەن.