بارزانی لە پەیامیگ رەسیە ئاژانس شەفەق نیوز وت: گەرمترین پیرووزبایی لە گشت هاووڵاتیەیل هەرێم کوردستان کەم وە بوونەی هاتن ساڵ زایینی نوو، هەمیش پیرووزبایی لە خانەوادەی شەهیدەیل نەمر و پیشمەرگەی قارەمان کەم، و ئومید وەردەوامی سەرکەفتن و سەربەرزی ئەرا گشتی خوازم.

وتیش: ئی بوونە جویر دەرفەتیگ ئەرا دووپاتکردن جاریگتر لەبان کەلتور وەیەکەوژیان ناوبەین گەل کوردستان نووڕم، ک هەمیشە باوەڕ و ئاشتەوایی و برایەتی داشتیە و مینەی

 چارەسەری وە گفتوگۆ و لەیەک فامستن و نەفرەتکردن لە نەتەوەپەرەسی و تونەڕەوی کردیە. 

بارزانی وتیش: لە باوەت کاروبار سیاسی لە عراق، هایمنە ئەو باوەڕە ک دەرفەت نوویگ ئەرا چارەکردن باوەتەیل ناوبەین هەرێم کوردستان و حکومەت فیدڕاڵی  هەس، هەمیش پاڵپشتی ئەو رێککەفتن سیاسیە کەیمن  ک لەناوبەین گشت حزبەیل بەشدار لە کاروبار سیاسی وەگەرد حکومەت هەرێم کوردستان ئەنجام دریا.

 بارزانی باس ئومیدی کرد ک گامەیل هاتگ حکومەت عراق لە کاروبار سیاسی لە قۆناغ نوویگ لە چوارچیوەی دەستوور بوود، وەوەگ وەگەرد بەرژەوەنی گەل عراق وەڕیەو چوود، و چەودیاریکردن بنەمایل هاوبەشی و هاوسەنگی و هەماهەنگی.

لە کۆتایی وتیش: ئومید خوازم ساڵ نوو ساڵ دڵخوەشی و گەشەکردن ئەرا گشت هاووڵاتیەیل کوردستان و عراق بوود، و ساڵیگ ئاشتەوایی و هاوکاری ئەرا گشت ناوچەگە و گشت مرۆیی بوود.