شەفەق نیوز/ سەرۆک هەرێم کوردستان مەسروور بارزانی، ئمڕوو جمعە، دووپاتکرد ک تیرۆریستەیل  داعش، بۊنەسە هەڕەشەی راستەقینە ئەرا ژیان مەردم  ناوچە کوردستانیەیلە لە دەێشت ئیدارەی هەرێم، دۊیای چەن ساعاتیگ لە پەلامارە خۊیناویەگەی رێکخریاگە  لە بان ئاوای  کوردەیل لە دەوروبەر شارۆچکەی مەخموور، دانیشتوانەیل و هێزەیل لەناوی پێشمەرگە کوشیان و زەخمدار بۊین.    

مەسرور بارزانی لە بەیاننامەیگ راگەیان، وە داخ و خەم قۊیلیگ، دۊیەشەو لە ئەنجام پەلامار تیرۆریستەیل داعش لەبان ئاوای خدر جیجەی بنار کۊەیە قەرەچووخ، شمارەیگ هاووڵاتی و پێشمەرگەی قارەمان شەهیدبۊین و شمارەیگتر زەخمداربۊین، تیرۆریستەیل داعش، بۊینەسە هەڕەشەی گەپیگ ئەرا ژیان مەردم ناوچە کوردستانیەیل دەێشت ئیدارەی هەرێم".    

وتیش؛ بایەد هەرچە زۊتر هەماهەنگیی نوان پێشمەرگە و سوپای عراق و هاوپەیمانی ناودەوڵەتیی دژ وە داعش، وەهێزتر و قاێمتر بکرێد و ڕێکار پێویست بگیریەێدە وەر، تا کۆتایی وە خوەرێکخستنەگە و گەشەکردن تیرۆریستەیل داعش و  پەلامارە دڕندانەگانی بارێد و ژیان پێشمەرگە و دانیشتووانەیل ئەو ناوچەیلە، پارێزراو بوود.     حکومەت هەرێم کوردستان، ئامادەی خوەی ئەرا

هەر هاوکاری و هەماهەنگیگ، ئەرا رۊیوەرۊی بۊین تیرۆر و سەقامگیربوونی دۆخ عراق وە گشتی و ئەو ناوچەیلە کەفتنە وەر پەلامار داعش وەتایبەتی، دووپات کرد.     

حکومەت ناوەخۆ وەڕێوەبەرایەتی تەندروسی لەپارێزگای هەولێر پایتەخت هەرێم کوردستان رووژ جومعە لەمەوقەی  پەلامارەگە 13 قوربانی و پەنج زەخمدار لەلی کەفت.