شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو دووشەممە، سەنگ بنەڕەتی پڕۆژەی "تڵای زەرد" لە شار هەولێر دانا، وە بایی ٢٥٩ مەلیۆن دۆلار، و وەرپرسەیلیگ خۆجێیی هووکار دروسکردن ئەو پڕۆژە دانان چوونکە تا ئیسە شایستەیل کشاورزەگان لەلایەن حکومەت فیدڕاڵی نەدریانە.
بارزانی لە وتاریگ لە ئاهەنگ داناین سەنگ بنەڕەتیەگە ک ئاژانس شەفەق نیوز ئامادەی بوی وت: ئیمە لەی کاببنە تەقەلایل گەورایگ دەیمن ئەرا ڕەنگاوڕەنگکردن سەرچەوەیل داهاتەگان و گرنگی داین وە کشتوکاڵی.
سەرۆک حکومەت کوردستان دیاری کرد ک ئی پڕۆژە تەنیا لە هەولێر نیە، بەڵکم ئەوەسا پڕۆژەیلیگ هاوشێوەی ئەیە لە شارەیلیگ تر لە هەرێم بوود.
بارزانی وتیش؛ ئیجوور پڕۆژەیبلیگ بوونە پاڵپشتی ئەرا گشت هاووڵاتیەیل هەرێم.
وجەختکرد ک خوازیمن بیلیمن هاووڵاتیەیل هەرێم بەرهەمکار بوون لەجیای ئەوەگ چەوەڕی فەرمانبەریکردن لە حکومەت بوون.
لەلای خوەییش جیگر پارێزگار هەولێر لە وتار ئاهەنگەگە وت: کردنەوەی ئی پڕوژەی ستڕاتیژیە وە هاوکاری لەناونی کەرت تایبەت و وەزارت کشتوکاڵی بوی، و دووپاتکرد ک ئەوەسا بوودە پشتگیری گەورایگ ئەرا کشاورزەگان.
ودیاریکرد ک پڕۆژەگە خوەی بڕیگ ئەمار و بەرسیاوە ئەرا دەسکرن وە وەرگردن گەنم لە کشاورزەیل لە ساڵ هاتگ وە بڕ ٥٠٠ هەزار تەن.