شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو یەکشەممە، دووپات کرد ک ئارامی عراق بوودە کاریگەری خاسیگ لەبان ئاسایش و ئارامی ناوچەگە وەگشتی.
ئەویش لە پیشوازیکردن مەسرور بارزانی سەرۆک حکومەت هەرێم کوردستان لە ژەنیڕاڵ جۆن برینان، فەرماندەی گشتی هێزەیل هاوپەیمان ناودەڵەتی لە عراق و سوریا، وەگورەی بەیاننامەیگ رەسیە ئاژانس شەفەق نیوز.
وەگورەی بەیاننامەگە، لە چەوپیکەفتنەگە باس دۊیاترین گەشە و نووەوبۊیەیل لە عراق و سوریا کریا، و هەمیش باوەتەیل خاوەن گرنگی هاوبەش.
برینان دووپات لە وەردەوامی پاڵپشتیکردن پێشمەرگە لە جەنگ دژوە تیرۆر کرد، و لە خود وەختەگە وتیش؛ هیمان داعش هەڕەشەی راسییگ لە عراق و سوریا دروس کەێد.
لەلای خوەییش، مەسرور بارزانی سەرۆک حکومەت هەرێم کوردستان، باس سوپاسی ئەرا هاوپەیمان ناودەڵەتی ئەرا پاڵپشتیکردنی کرد، و جەخت لە گرنگی هەماهەنگی ناوبەین پێشمەرگە و سوپای عراق کرد، وەتایبەت لە ناوچەیل کوردستانی لە دەیشت هەرێم، ئەرا نواگردن مەترسەیل تیرۆر لەو ناوچەیلە.
بارزانی وتیش؛ ئارمی عراق کاریگەری خاس لەبان ئاسایش و ئارامی ناوچەگە وەگشتی دیرێد.