شەفەق نیوز/ مەسرور بارزانی، سەرۆک حکومەت هەرێم کوردستان، ئمڕوو پەنجشەممە، سەنگ بنەڕەتی ئەرا کارەگای پارچەیل پەتاتە لە پارێزگای دهۆک دانا.

کارەگاگە ئەوەسا وە پاڵپشتی حکومەت هۆڵەندا و لەلایەن کۆمپانیای k.H كوردستان - هۆڵەندا لە ناحیەی روفیا لە قەزای بەردەڕەش لە دهۆک بایی زیاتر لە ١٠ ملیۆن دۆلار ئەمریکی بینا کریەێد.

رسوومەیل دانایان سەنگ بنەڕەتی وە ئامادەبوون مەسرور بارزانی سەرۆک حکومەت هەرێم کوردستان، و بیگەرد تاڵەبانی خانمە وەزیر کشتوکاڵی، و عەلی تەتەر سەرۆک حکومەت خۆجێیی لە دهۆک، و وەرپرس کۆمپانیای جیوەجیکەر موشیر ئاغا، و میشێل رینتینر باڵوێز هۆڵەندا لە عراق.

سەرۆک حکومەت لە رسوومەیل داناین سەنگ بنەڕەتیەگە وت: ئیجوور پڕۆژەیلیگ و ستراتیژی ئەرا پاڵپشتیکردن کەرت کشتوکاڵی و گەشەکردن ئابووری گرنگە.

وتیش؛ پارەکە هەنای سەردان هۆڵەندا کردم، چەوم کەفتە سەرۆک وەزیران وڵاتەگە، وباس لە پاڵپشتیکردن بەرنامەی چاکسازی و ئابووری لە هەرێم کردیمن، و ئامادەیی حکومەت وڵاتەگەی  ئەرا پاڵپشتیکردن کەرت  کشتوکاڵی و ئەو چینەیل ئابووری نشان،و ئیمەیش سوپاسیان لەوە کەیمن، و لە پشتگیریکردن وەزارت پێشمەرگە لە جەنگ دژوە داعش.

سەرۆک حکومەت، لە وتارەگەی داوا لە حکومەت بەغداد کرد ری بازاڕەیل ئەرا بەرهەمەیل هەرێم وەرەو ئەو پارێزگایل واز بکەێد.